Деректерді сақтау жүйесі
Бұл деректерді сенімді сақтауды – жедел, мұрағаттық, сегменттелген және оларға кепілді қолжетімділікті қамтамасыз етуді жүзеге асыруға арналған кешенді бағдарламалық-аппараттық шешім.
Көптеген жағдайларда деректерді сақтау олардың жедел өңдеуімен біріктірілген. Мұндай жағдайда деректердің шағын көлемін сақтау тікелей серверде жүзеге асырылады, ол пайдаланушыларға өңдеу үшін осы деректерді береді, не оларды өзі өңдейді – бұл серверлер файлдық, пошталық немесе бейнебақылауға арналған серверлер деп аталады.
Бейнебақылау серверінде бейнелер ағыны өңделеді, бейне мұрағат жазылады және сақталады. Бейнебақылау серверін таңдау кезінде бірқатар параметрлер ескеріледі: бейнекамералардың түрі мен саны, рұқсаттамасы, тәулік бойы тұрақты жазылатын сағат саны, мұрағаттың сақтау күндерінің саны, сервердің жұмыс режимі (жазу/қарау) және т.б.
Бұл қызметті пайдалану пайдаланушыларға электрондық құжаттарды «KT Cloud Lab» ЖШС алаңдарында орналасқан «бұлтты» қоймаға көшіре отырып, жеке файлдық және/немесе мұрағат қоймаларын қолдау мен дамытудан ішінара немесе толықтай бас тартуға мүмкіндік береді.
Клиенттің виртуалды серверлерін орналастыру республикадағы ең қауіпсіз және қазіргі заманғы дата-орталықтардың бірі болып табылатын «Қазақтелеком» АҚ еншілес компаниясы «KT Cloud Lab» ЖШС деректерді өңдеу орталығының базасында жүргізіледі және Алматы қаласындағы «Инновациялық технологиялар паркі» АЭА-да орналасқан